Hjólagleði laugardagur

Hjólahelgin mikla.  Laugardagur. Hjólagleðin var takmarkalaus í dag.     Mjög vel tókst til með bikarmótið sem KKA hélt í Kjarnaskógi.   Hrói var þar innsti koppur í búri og var mættur um miðja nótt (ca. 05 a.m.) til að skipuleggja og taka til mótsgræjur.       Úrslit verða kynnt nánar síðar en til að gera langa sögu stutta varð Kári bikarmeistari í ár.     Eftir hádegið var haldið upp í Hlíðarfjall þar sem að HFR hélt tilkomumikla fjallabrunskeppni í braut KKA í fjallinu.     Fjarkinn var opinn og ferjaði menn og hjól upp á fjallatinda.      Síðan þutu sömu aðilar niður hlíðarnar á undraverðum hraða.    Hjólin fóru þó á stundum hraðar ein og sér þegar karlinn varð viðskila við gripinn og skoppaði einn og sér niður hlíðarnar og áhorfendur sáu til skiptist haus eða  lappir upp fyrir þúfurnar.     Enda er það ekki að ástæðulausu sem slíkar ófarir eru nefndar að fara haus lappir.