BMW 450 Enduro

Eftir fjölmargar "njósnamyndir" sem birst hafa á netinu undanfarnar vikur, þá koma loksins nokkur orð frá BMW sjálfum um nýja 450 endurohjólið.  Í fréttatilkynnigu frá BMW segir að þeir muni taka þátt í E2 flokknum í 2. umferð heimsmeistaramótsins í Enduro (WEC) sem fram fer á Spáni dagana 28. & 29. apríl.

Litið er á þátttöku BMW í keppninni sem lið í prófunum og þróun nýja hjólsins.  Ökumenn verða engir aðrir en þeir Joel Smets og Sascha Eckert. Að spánarkeppninni undanskilinni hefur BMW hug á að keyra hjólið allavega í tveimur keppnum til viðbótar í mótaröðinni.  Hjólið er enn frumgerð (e. prototype) en fyrst að þeir eru að keyra það í keppni - meira eða minna af fullum þunga og alvöru, þá ætti fjöldaframleiðsla þess ekki að vera svo langt undan.

Ætla BMW loksins að leggja til atlögu við heimsyfirráð KTM í þessum geira ??

Spurningin sem brennur á flestra vörum er....hvenær sjáum við þetta hjól á búðargólfinu ?