Einar Sigurðsson íþróttamaður ársins 2017 hjá KKA

Einar náði mjög góðum árangri í motocrossinu á árinu 2017.  Hann keppti í MX2 flokki,  þ.e. 250 cc hjól, og jafnframt í opna flokknum, þ.e. MX open en í þeim flokki eru nær því einungis aflmeiri hjól en Einars.  Einar varð í öðru sæti í MX 2 flokknum en náði með góðri hjólatækni á aflminna hjóli, að landa öðru sæti í opna flokknum.  Einar var ennfremur varamaður í landsliðinu sem sent er út einu sinni á ári.  Mótið var haldið að þessu sinni í Bretlandi en þar koma saman 42 þjóðir,  þrír eru í hverju liði ásamt varamanni.

Einar er ekki nema 21 árs en hefur engu að síður unnið það afrek að hafa verið útnefndur fimm sinnum íþróttamaður ársins hjá KKA.