Úrslit voru góð hjá KKA á keppnistímabilinu.

Motocross.

85cc kvenna.
Tvær stúlkur voru að keppa frá KKA í sumar þær Álfhildur Gunnardóttir og María Guðmundsdóttir. María varð í 9. sæti í heildina. Hún keppti aðeins í tveimur mótum, hún varð í 3. sæti í þeim báðum sem er frábær árangur hjá henni í sínum fyrstu keppnum.

Opinn flokkur kvenna.
Þar er mikill fjölgun keppanda og í einu mótinu voru 5 konur frá KKA og var okkar besti árangur 6 sæti hjá Sigrúnu Sigmundsdóttur.

85cc
Tveir drengir frá KKA voru í 85cc flokki, þeir Bjarki Sigurðsson og Hafþór Grant. Þeir voru alltaf í toppbaráttu og endaði Bjarki í öðru sæti á Íslandsmótinu. Hafþór Grant sýndi mjög góðan akstur og lenti alltaf á verðlaunapalli þegar hjólið gaf sig ekki í átökunum og skilaði kappanum í mark. Sannarlega mjög efnilegir strákar sem fara upp í unglingaflokk á næsta ári.

MX unglingaflokkur.
Sennilega mest spennandi flokkurinn í motocrossinu, segir alla söguna að á fimm mótum voru fjórir sigurvegarar. KKA áttu tvisvar menn í verðlaunasæti Baldvin Þór Gunnarsson og Ómar Þorri Gunnlaugson náðu öðru sæti á Akureyri og á Bolöldu og endaði Ómar Þorri í þriðja sæti í MX unlingaflokki. Einnig voru fimm aðrir KKA keppendur og endaði Kristófer Finnsson í 6 sæti í heildina. Sannarlega góður árangur hjá unglingunum úr KKA.

Enduro (þolakstur)

Meistaraflokkur.
Þar átti KKA aðeins einn keppanda Baldvin Þór Gunnarsson og endaði hann í 5. sæti í heildina.

Meistaraflokkur, E1 minni hjól:
Baldvin Þór Gunnarsson keppti á 250ccF hjóli og er því jafnframt að keppa í meistaraflokki fyrir minni hjól. Hann náði þeim frábæra árangri að sigra í flokknum.

Tvímenngur.
Þar voru nokkrir eldri og reyndari menn KKA að spreyta sig og enduðu Jóhann Hansen og Helgi Reynir Árnason í fimmta sæti.

Baldursdeild
Það má segja að KKA hafi verið áberandi í þeim flokki í sumar. Þar voru 9 KKA keppendur og var gríðaleg barátta um titilinn og enduðu KKA mennirnir Kristófer Finnsson og Ómar Þorri Gunnlaugsson jafnir og efstir að stigum. Kristófer hafði betur þar sem hann var með betri heildartíma og tekur því við Íslansmeistartittlinum af Baldvin þór sem vann 2006.

Snocross.

KKA átti nokkra keppendur s.l vetur og sigraði Baldvin Þór Gunnarsson unlingaflokkinn með nokkrum yfirburðum en annar varð Bjarki Sigurðsson. Í sportflokki endaði Jóhann Hansen í fjórða sæti. Frábæru keppsnistímabili er lokið og þakkar félagið öllum þeim fjölmörgu aðilum, sem komu að þessu til að gera þetta mögulegt.