Fréttasafn

Næsta mánudagskvöld kl 23.55 lýkur skráningu í bæði Iscross og Snocross á hinni miklu hátíð sem fram fer á Mývatni helgina 7.-9. mars.

Enginn má missa af þessari mótorsporthelgi - eitthvað fyrir alla, allan tímann:

Brekkuklifur, samhliðabraut, íscross, snocross og ísspyrna á sleðum.

Fyrstu myndir af 2009 árgerðinni af Arctic Cat duttu á netið í dag. Engar stórar fréttir, M sleðarnir í megrun 15-20 lbs. Crossfire sleðarnir fást núna annaðhvort á 128x14 belti eða 141x15 en ekki 136x15 eins og fyrri ár. Nýr Jag 1100cc, 4gengis Turbo sagður 170 hö. Enginn fjöldaramleiddur 600 SnoPro eins og margir vonuðust eftir. Allt eru þetta óstaðfestar fréttir, en það alltaf gaman að skoða myndir. Smelltu á lesa meira til að skoða.

Nú liggur fyrir endanleg dagskrá fyrir eina stærstu akstursíþróttahelgi ársins "MÝVATN 2008"

Föstudagur 7. mars.
Kl. 14:00 Samhliða brautarkeppni á vélsleðum.
Kl. 16:30 Hillcross á vélsleðum.
Kl. 18:00 Jarðböðin við Mývatn bjóða keppendum í bað.
Kl. 21:00 Setning Mývatn 2008 við Sel-Hótel Mývatn.
Kl. 21:00 Keppendur kynntir.
Kl. 21:30 Barkvöld með lifandi tónlist – tilvalið að koma sér í gírinn.

Laugardagur 8. mars
Kl. 8:00 Mæting og skoðun mótorhjóla fyrir íscross.
Kl. 9:00 Timataka fyrir íscross hefst.
Kl. 9:40 Íscross á mótorhjólum 1. móto.
Kl. 10:20 Íscross á mótorhjólum 2. móto.
Kl. 11:00 Íscross á mótorhjólum 3. móto.
Kl. 12:00 Mæting og skoðun vélsleða fyrir snocross.
Kl. 13:00 Tímataka fyrir snocross hefst.
Kl. 14:00 Snocross keppni hefst.
Kl. 17:30 Ísspyrna á snjósleðum.

Kl. 20:00 Fordrykkur og vídosýning af afrekum dagsins.
Kl. 21:00 Veisla kvöldsins hefst í Skjólbrekku.
Kl. 21:30 Verðlaunaafhending fyrir afrek helgarinnar.
Kl. 23:00 Dansleikur með hljómsveitinni Von.

Þriðja umferð Íslandsmeistaramótsins í Snocross fór fram í dag á Lágheiði ofan Ólafsfjarðar. Keppnin fór fram í ágætu verði, brautin góð - breið og mátulega löng. Vel var mætt af áhorfendum, allt gekk vel og slysalaust fyrir sig og fengu viðstaddir þó nokkuð fyrir sinn snúð.

Stórmögnuð kynning verður á SnoCross keyrurum fyrir utan K2Icehobby Dalsbraut 1 á föstudagskvöld kl. 19.00. Einning afhendir K2Icehobby WPSA á íslandi nýja frábæra galla, strákarnir þurfa jú að vera vel útbúnir!! Síðan verður ný verlsun kynnt. Mætið endilega og sjáið strákana og stelpurnar þenja græjurnar!!! 

Mætum síðan á SnoCross keppni á Ólafsfirði á laugardaginn!!!!!!!!

Keppnin hefst kl:13:00 og er við Lágheiði, örstutt frá Ólafsfirði. 

Hér er ráslisti fyrir Snocross keppni á Ólafsfirði næsta laugardag.

 

Næstkomandi laugardag þann 23. febrúar fer fram þriðja umferð Íslandsmeistaramótsins í snjókrossi á Lágheiði inn af Ólafsfirði. Kynning á keppendum fer fram á föstudaginn kl. 19:00 hjá K2Icehobby við Dalsbraut á Akureyri. Vélsleðafélag Ólafsfjarðar heldur keppnina sem hefst kl. 13 á laugardag.

Keppnisreglur fyrir ískross á Íslandi eru HÉR!

Slíkar reglur þurfa stöðugt að vera í framþróun og vera breytingum undirorpnar.
Ég hvet þá sem hafa tillögur að breytingum að senda þær til stjórnar MSI til skoðunar: msi@msisport.is.
Þorsteinn Hjaltason

Sælt veri fólkið !

Mótið á laugardag tókst í alla staði mjög vel og var hörku barátta í báðum flokkum.

Í kvennaflokki urðu úrslitin þessi:

1. Signý Stefánsdóttir
2. Andrea Dögg Kjartansdóttir
3. Hulda Þorgilsdóttir

Í standardflokki urðu úrslitin þessi:

1. Kristófer Finnsson
2. Pálmar Pétursson
3. Jóhann Gunnar Hansen

Þau leiðu mistök urðu við verlauanaafhendingu að Finnur Bóndi var sagður í þriðja sæti, en hið rétta er að Jói Startsveif tók þriðja sætið. Það voru ákveðnir byrjunarörðugleikar í tímatökunum og útreikningum á úrslitum, en nýjir menn eru búnir að taka við af Einari Smára. Þrátt fyrir þessa byrjunarörðugleika eiga þeir hrós skilið fyrir vel unnin störf. Það verður væntanlega einhver bið í að úrslitin verði lesin inná www.mylaps.com en þetta kemur allt saman. Dalli ljósmyndari var á staðnum, en okkar ljósmyndari var líka á staðnum og tók slatta af myndum og má skoða þær hér.

Svo verður þriðja og síðasta umferðin að morgni 8. mars, en Mývatnsmótið í snocrossi fer fram sama dag eftir hádegi.

Kveðja úr Mývatnssveitinni, Stefán Gunnarsson

Munið að skráning í 3 umferð Íslandsmótsins í snocrossi sem fram fer í Ólafsfirði stendur nú yfir og lýkur mánudagkvöldið 18.02 kl 23.55.

Um að gera að vera tímanlega að skrá sig.

kv Nefndin