Fréttasafn

Nú er sumarið brostið á fyrir alvöru og hjólamenn farnir að hópast upp á svæði til að liðka sig og tækið eftir vetrardvala. Því miður eru margir sem láta freistast og aka torfæruskráðum hjólum innanbæjar á leið sinni upp á svæði og það jafnvel á göngustígum og grænum svæðum - það gengur ekki og verður væntanlega ekki liðið lengi af samborgurum okkar. Við hvetjum hjólamenn til að sýna gott fordæmi og aka ekki torfæruskráðum hjólum innanbæjar. Akstur þeirra er einungis löglegur á þar til gerðum akstursíþróttasvæðum og á einkalandi. Bætum ímynd okkar og sýnum þroska. Rautt númer þýðir hjólið á kerru eða í bíl út úr bænum. Að endingu skal tekið fram að óskráð og ótryggð hjól eru óvelkomin á aksturssvæði félagsins.

Uppfærðar Motocross reglur fyrir keppnistímabilið 2008Uppfærðar Motocross reglur fyrir keppnistímabilið 2008 hafa verið birtar á www.msisport.is. Eftir að reglurnar voru birtar 20.05.2008 kom í ljós villa varðandi MX 2 flokk varðandi vélastærð, þetta hefur verið lagfært og skal tekið fram að hámarks stærð vélar í MX 2 flokk er 150cc 2T og 250cc 4T, sömu reglur gilda um hámarksstærð véla í Unglingaflokk. Einnig hefur verið leiðrétt tilvísun í reglugerð Samgönguráðuneytis um reglugerð um akstursíþróttir og aksturskeppni, sjá reglugerð 507/2007. Beðist er velvirðingar á þessum mistökum.
 Enduro & Moto-Cross nefnd MSÍ

Skráning í fyrstu umferð Íslandsmótsins í Moto-Cross sem fer fram 7. júní. hefur verið opnuð á www.msisport.is Skráning stendur til 23:55á mánudaginn 2. júní. Þeir keppendur sem hafa glatað lykilorði tilinnskráningar er bent á að hafa samband við formenn aðildarfélags semþeir eru skráðir í. Þeir keppendur sem óska eftir að leigja AMB tímatökusendirer bent á að hafa samband við verslunina Nítró sem sér um leigu og sölu átímatökusendum. Moto-Cross dagskrá fyrir sumarið 2008 mun verða birtundir "reglur" á www.msisport.is næstu daga.kveðja,Enduro & Motocross nefnd MSÍ

3. & 4. umferð Íslandsmótsins í Enduro fer fram á akstursíþróttasvæðiKKA á Akureyri  sunnudaginn 15. júní. Samkvæmt keppnisdagatali MSÍer gefin upp dagsetning 14. eða 15. júní og hefur stjórn KKA í samráði viðEnduro & Moto-Crossnefnd MSÍ ákveðið að keppnin fari fram 15. júní.

Þriðjudaginn 27.maí kl 20:00 ætla foreldrar og forráðamenn yngstu iðkendana að hittast uppi í púkabraut og vinna við brautina m.a. við grjóthreinsun og fleira tilfallandi. Höfum endilega börnin með, hjálpumst að og höfum gaman af þessu. Ef vel gengur þá er aldrei að vita nema áhugasamir púkar fái að taka smá forskot á opnun brautarinnar. Búið er að fara með ýtuna í brautina þannig að ekki er mikið verk fyrir höndum.

Að gefnu tilefni vill svæðisnefnd minna á að barnabrautin er aðeins fyrir börn að 12 ára aldri og hjól að 65cc 2t og/eða fjórgengis með hliðstæðu vélarafli (110 cc)

Hér http://www.msisport.is/pages/reglur/ gefur að líta uppfærðar reglur MSÍ.    

Allir eru hvattir til að kynna sér þessar reglur og keppnismenn verða skilyrðislaust að gera það og vera góðir í þeim,   það er of seint í keppni að fara að velta fyrir sér hvað mannfjandinn,  sem veifaði þessu gula,  bláa,  græna eða svarta, flaggi í andlitið á þér er að meina með því.    Hver munurinn er á því ef gula flagginu er haldið á lofti hreyfingarlausu eða þegar því er veifað.    Eða hvað var gaurinn að reyna að segja þér,  sem veifaði þessum köfflótta eldhúsdúk í grillið á þér.   

 

Svo allir að lesa,  já núna enga leti,  getur bjargað lífi ykkar síðar.

 

 

Laugardaginn 24.maí verður boðið upp á námskeið í braut félagsins.

kl. 14:00 - 16:00 - Börn, byrjendur (óvanir)

kl. 17:00 - 19:00 - Lengra komnir

Leiðbeinandi á þessu námskeiði verður "Jói Kef"

Námskeiðsgjald er kr.3.500,- / Engin skráning - bara mæta.

Svæðisnefnd hefur ákveðið að halda vinnukvöldin í sumar á fyrirfram ákveðnum kvöldum og þannig útiloka stuttan fyrirvara og misskilning. Vinnukvöldin verða 1. og 3. þriðjudag í hverjum mánuði klukkan 20, þannig að fyrsta vinnukvöld sumarsins er 3. júni næstkomandi. Á vinnukvöldum er brautinn lokuð án undantekninga frá 20:00 og fram úr. Þetta verða einu kvöldinn sem brautinn verður löguð með ýtunni og annað gert í sambandi við brautina sjálfa, semsagt ef engin mætir verður engin ökufær braut. Öllum er það ljóst að klúbburinn hefur ekki bolmagn til að ráða starfsmann og verðum við að standa saman til að þetta gangi upp hjá okkur.  Stefnan er að brautinn opni núna fyrir helgi og vill ég minna menn á árskortinn og dagpassana sem gilda frá fyrsta degi. 

svæðisnefnd 

KEA hefur einsett sér að styrkja og efla mannlíf og atvinnulíf á félagssvæði sínu.     Félagið eykur mikilvægi sitt með hverju árinu og er orðin ómissandi kjölfesta á öllum sviðum samfélags okkar.

KEA úthlutar styrkjum í ár til KKA mannanna Kristófers Finnssonar og Baldvins Þórs Gunnarssonar.  KKA þakkar KEA kærlega fyrir velviljann.

K2 Icehobby tjáði KKA vefnum að þeir veiti KKA meðlimum góðan afslátt af eldri vörum því verið sé að rýma fyrir nýjum.      Þeir halda því fram að töluvert sé til af flottum Fly vörum sem eigi að seljast með 25% afslætti og jafnvel meira ef menn eru góðir að prútta og hafa KKA félagsskírteinið meðferðis.

K2Icehobby hefur tekið í notkun sérhæfða umfelgunarvél fyrir mótorhjóladekk.     Þeir segjast veita góðu þjónustu og kaffi með,    verðið er fast segja þeir en ekki gefnar nánari upplýsingar um það,   sérkjör til KKA manna.