Fréttasafn

Nú er ís á flæðunum við Eyjafjarðará, sem Helga og Hörður í Hvammi voru svo vinsamleg að leyfa okkur afnot af.     Búið er að útbúa braut og var svæðið vel sótt um helgina.      

 Félagar ath þetta:

1.   UMGENGNI:  Bannað er að aka annars staðar en á veginum,   alls ekki aka hvaða leið sem er upp á þjóðveg.    Þetta er þakið snjó og ís en engu að síður akið eftir veginum,  hjólin gætu farið niður úr.    Gætið vel að þessu.   Umgengni verður að vera óaðfinnanleg.

2.   HÆTTA Á SLYSUM Á ÞJÓÐVEGINUM:   Menn eiga að aka eftir veginum upp flæðarnar og þar upp á veg.     Þetta er nauðsynlegt vegna slysahættu.    Menn eiga ekki að koma inn á þjóðveginn hvar sem er.       Það er nauðsynlegt að fara eftir veginum og gá vel að sér þegar menn aka inn og yfir þjóðveginn.   Sést hefur til manna sem aka upp kantinn og svo yfir veginn án þess að hafa tök á því að líta til hægri eða vinstri og það þarf ekki að fjölyrða um hættuna sem þessu fylgir.      

Það eru ekki allir sem lesa heimasíðuna þannig að við skulum hjálpast að við þetta og benda mönnum óspart á þessi atriði ef við sjáum að menn fara ekki eftir þessu.  

Vinsamlegast skoðið félagatalið hér á síðunni og athugið hvort allar upplýsingar eru þar réttar um ykkur.     Ef þið eruð ekki komin inn í félagatalið þrátt fyrir skráningu hefur eitthvað farið úrskeiðis og vinsamlegast skráið ykkur aftur í félagið,  annars er talið að öllu hafi verið haldið til haga í þeim efnum og allir nýjir félagar komnar inn.

 Senda breytingar í :     th@ALhf.is

Fréttatilkynning: 

Nú er búið að opna fyrir skráningu í fyrsta íscross mót vetrarins en það fer fram á Mývatni laugardaginn 12. janúar. Skráningin fer fram á www.msisport.is og er þátttökugjaldið einungis kr 3000. Hér fyrir neðan er dagskrá mótanna og linkur á keppnisreglur, en þau verða 3 talsins. Vegleg verðlaun verða fyrir bæði opinn flokk og standard flokk í hverju móti fyrir sig og einnig verða veitt verðlaun fyrir 1,2 og 3 sætið í stigakeppninni að loknum öllum þremur mótunum og verða verðlaun ekki af verri endanum.

1. sæti - Flug með Icelandair að eigin vali til Evrópu að andvirði kr 30.000.
2. sæti - Flug með Flugfélaginu að eigin vali innanlands að andvirði kr 20.000
3. sæti - 10 miða kort í Jarðböðin við Mývatn að andvirði kr. 12.000
Ef fleiri en 5 keppendu skrá sig í kvennaflokk verða sér verðlaun fyrir þær og ef fleiri en 10 skrá sig verður kvennaflokkur keyrður sér.

Þess má geta að nú er 40 cm þykkur ís á Mývatni og frábærar aðstæður til ísaksturs.

Sértilboð verða á Sel Hótel í tengslum við mótin. Allir keppendur fá frítt í Jarðböðin að móti loknu,

Sjáumst hress á Mývatni um næstu helgi !

Reglur MSÍ um Ísakstur er að finna hér.

Akstursíþróttafélag Mývatnssveitar (AMS) og Sel Hótel Mývatn kynna til sögunnar þriggja umferða ísaksturs -mótaröð í vetur. Vel verður staðið að framkvæmdinni og það verða vegleg verðlaun í boði. Það er stefnt að því að keppa líka í ísspyrnu á vélsleðum þessar helgar. Skráning verður í gegnum félagakerfið á www.msisport.is og notast verður við tímatökusendana eins og í motocrossinu. Við sendum nánari dagskrá um leið og hún liggur fyrir. Ákveðið hefur verið að stilla þátttökugjaldinu í hóf og verður það kr 3000.

Sjá keppnisreglur fyrir Ísakstur.

Sækja auglýsingu PDF [521 kb]

Á fimmtudaginn síðasta sáu einhverjir óprúttnir menn ástæðu til

að fara að heimili Kobba og Herdísar á Svalbarðseyri og stela hjólinu

hennar Herdísar Terra Moto hjóli með hvítum plöstum nema hvað

frambretti er rautt. Það eru einnig séreinkenni sem að Kobbi veit um

á hjólinu þannig að það mun þekkjast hvar sem er þannig að við skorum

á þessa aðila að skila þessu hjóli sem allra fyrst. Ef að einhver hefur orðið

var við þessa aðila með hjólið þá vinnsamlegast látið lögregluna á Akureyri

vita eða Kobba í síma 899-9890.