Fréttasafn

Þá eru úrslit laugardagsins komin inn á MyLaps.

Smelltu hér.

Mæting í kvöld fór fram úr björtustu vonum og vel gekk að merkja brautina, má segja að rúmlega 2/3 brautarinnar séu fullmerktir. Það er gaman að félagsstarfi sem þessu þegar vel er mætt og hlutirnir ganga skafið. Við viljum koma á framfæri þakklæti til allra þeirra sem mættu uppeftir í kvöld og lögðu hönd á plóginn.

Svæðisnefnd.

Vegna 3. & 4. umferðar íslandsmótsins í þolakstri laugardaginn 16.júní verða bæði motocrossbrautin og púkabrautin lokaðar frá 08:00 til 17:00 sama dag og því allur akstur í þeim óheimill.

Svæðisnefnd.

Jarðýtan er enn biluð og kemst ekki í lag fyrr en seint í kvöld. Stefnt er að því að ýtan verði við vinnu í brautinni á morgun og annað kvöld er orðið raunhæft að merkja brautina varanlega. Þar sem stutt er í keppni þurfum við margar hendur til að vinna verkið bæði hratt og vel. VIÐ ÞURFUM ALLT TILTÆKT LIÐ uppeftir annað kvöld (fimmtudagskvöld) kl. 20:00. Endilega að hóa í nokkra félaga og mæta uppeftir. Þetta er líka upplagt tækifæri fyrir keppendur að labba hringinn, taka þátt í að merkja brautina og kynnast legu hennar um leið.

Svæðisnefnd.

JHM Sport er aðalstyrktaraðili 3. & 4. umferðar íslandsmótsins í Endúró sem fer fram á Akureyri laugardaginn 16. júní. JHM selur torfæruhjól frá TM Racing og GasGas og er auk þess með mörg heimsfræg vörumerki á boðstólnum.