Fréttasafn

Íslandsmótaröð MSÍ fer fram laugardaginn 16. maí. á félagssvæði VÍK við Bolaöldu.

Keppnisfyrirkomulag er með óbreyttu móti frá síðasta ári en ákveðið hefur verið að keppnisbraut fyrir B-flokk á að vera öllum keppendum fær og keppnisbraut fyrir Meistaraflokk á að vera öllum keppendum í Meistara og Tvímenningsflokk fær.
Þetta þýðir heldur léttari keppnisbrautir en sú þróun sem verið hefur síðustu ár.
Einnig verður gerð smávægileg breyting á dagskrá að því leyti að Meistaraflokkur og Tvímenningur munu ræsa fyrstir á keppnisdag en ekki B-flokkur eins og verið hefur.
Nú verður hægt að skrá sig sérstaklega í B-85cc, B-Kvennaflokk og B-40+ flokk og keppa þessir flokkar með B-flokknum.
Til þess að viðkomandi flokkur teljist gildur þarf minnst 5 keppendur og verða þá veitt sérverðlaun fyrir viðkomandi flokk.
Í B-flokk verða veitt verðlaun fyrir 1.2. og 3. sæti yfir heildina eins og verið hefur en einnig verða veitt verðlaun sérstaklega fyrir 1.2. og 3. sæti í ofangreindum flokkum miðað við að það náist 5 keppendur eða fleiri.

Nú um helgina fara fram tvær síðustu umferðirnar í SnoCross við skíðasvæðið í Stafdal.

Föstudaginn 24. apríl
Samhliðabraut kl. 13:00
Skráning á staðnum
3. umferð íslandsmótsins í SnoCross hest kl. 17:00

Laugardagurinn 25. apríl
4. og síðasta umferð íslandsmótsins í SnoCross hest kl. 13:00
Hillcross að lokinni keppni (brekkuklifur innan brautar)

1000 kr. inn, frítt fyrir yngri en 12 ára.

Sauðkræklingar ætla að opna brautina á morgun laugardaginn 25.apríl, hún er í ágætu ástandi Þröstur er búinn að ýta hana alla til en það geta leynst blautir blettir. Vonum bara að sjá sem flesta, OG MUNA AÐ KAUPA DAGSPASSA Í SHELL  1.000,- eða þeir sem vilja kaupa árspassa geta haft samband við Ástu Birnu fagragerdi@simnet.is hann kostar ekki nema 10.000,-

Strákar nú er að taka því rólega vorið er komið og þá er allt sumarið eftir.     Þegar við förum úr bænum til að hjóla upp á MX svæði þurfum við að aka hægt og rólega.    Við njótum velvilja og við skulum ekki skemma neitt í gleðinni yfir því að komið er vor.      Menn eiga að aka hægt og rólega þangað sem menn er að fara þ.e. mx svæðið eða út á snjó og þar geta menn sleppt sér ef þeir vilja.    Slappa af þar til menn eru komnir út úr bænum í það minnsta.     Hugsum aðeins okkar gang,  leið og hraða og sýnum tillitsemi.

 Á morgun föstudag verða 2009 árg af KXF450 og KXF250 til sýnis. Hittingur milli 16-18 á föstud í verslun Nítró og N1.

Sniglar minna á 25 ára afmæli sitt sem haldið verður í Kringlunni 1. april kl 17:00. Allir velkomnir. Gaman væri ef aðstæður leyfa að sem flestir kæmu á hjólum. Einnig viljum við minna á pylsuparty í tilefni afmælisins í sniglaheimilinu laugardags kvöldið 4. april Kl: 19:30 Kveðja,  Stjórn Snigla.

Strákarnir hjá N1 / Nítró á Akureyri höfðu samband við vefinn og vildu koma á framfæri að kynning á Nýja HUSABERG hjólinu fer fram í verslun N1 við Tryggvabraut 18 fimmtudaginn 12. mars frá kl. 17:00 - 19:00

Léttar veitingar í boði...

Sælir sleðahálsar nú styttist óðfluga í þann merka atburð okkar sleðamanna , Mývatnshátíð og skráningar frestur er að renna út í Ískross og Snocross þannig að þið sem ætlið að vera með vinsamlegast drífið í að skrá ykkur því það er ekki mögulegt að skrá sig eftir að skráningarfrestur rennur út, hisjið nú upp um ykkur og farið á vef msisport.is og skráið ykkur fyrir miðnætti í kvöld og gerum 30 ára afmælismót á Mývatni það allra glæsilegasta sem haldið hefur verið í manna minnum.

Það verður hægt að skrá sig í hillcross, samhliðabraut og ísspyrnu á staðnum en ískross og snocross verður að skrá á msísport.is eins og áður var sagt en aldrei er góð vísa of oft kveðin sértaklega þegar gírhausar eru annars vegar, það verða fleiri þúsund manns á staðnum að sögn Stefáns baðvarðar og gleðin verður við völd, sjáumst á skaflinum , Stebbi gull. 

PS. sérstök tilkynning frá Hillcrossmeistara 2005 til Þórs Kjartans, ég tek með mér bikarinn ,þú mannst þessi stóri sem þú fékkst ekki ,ég fékk hann nefninlega.

Byltingarkennt Enduro-hjól frá Husaberg Frumsýnt í Nítró við Bíldshöfða 10. og 11. mars.

2009  árgerðirn af Husaberg FE 450 og FE 570 Endurohjóli er komin til landsins og verður sýnd í vikunni hjá Nítró, umboðsaðila Husaberg á Íslandi. Hönnun og gerð þessa hjóls sætir miklum tíðindum í veröld mótorhjólanna og hafa Husaberg aðdáendur beðið þeirra með öndina í hálsinum. Hjólin verða sýnd í verslun Nítró við Bíldshöfða 10. og 11. mars.

Nú líður að stærstu mótorsporthelgi vetrarins – Mývatn 2009. Nú eru 30 ár síðan Mývatnsmót var haldið í fyrsta sinn og verður þess minnst með ýmsu móti í ár. Meðal annars er búið að finna mikið magn af gömlum myndum og vídeóklippum frá fyrstu árunum. Snjóalög eru nú með allra besta móti og er óhætt að hvetja menn og konur til að fjölmenna í sveitina á vélsleðum. Rétt er að benda Ískrosskeppendum á að mæting er á laugardagsmorgun kl. 08:00, því dagskráin er mjög þétt þessa helgina. Við erum búnir að semja við veðurguðina um að vera okkur hliðhollir og það stefnir allt í frábæra skemmtun hérna í Mývatnssveitinni. Keppendur í Ískrossi og Snjócrossi verða að muna að skrá sig í gegnum www.msisport.is fyrir lok skráningarfrests sem er á þriðjudagskvöldið 10/3 kl. 23:59.

Segjum kreppunni stríð á hendur og drífum okkur á Mývatn 2009 !