Fréttasafn

Nú fer hver að verða síðastur að skrá sig í fyrstu umferð Íslandsmótsins í Íscrossi sem fram fer á laugardag. Meðfylgjandi er dagskrá keppninnar:

 

Ís-Cross Dagskrá - 2009 - Tímaplan
	Á ráslínu	Byrjar	Lengd	Öryggistími	ATH
Skoðun, allir flokkar.		10:00	45:00
Tímataka og upphitun kvennaflokkur / 85cc	11:00	11:05	15:00	05:00
Tímataka og upphitun standard flokkur	11:20	11:25	15:00	05:00
Tímataka og upphitun opinn flokkur	11:40	11:45	15:00	05:00
Moto 1 kvennaflokkur / 85cc	12:00	12:05	12:00	03:00	+ 1 hring
Moto 1 standard flokkur	12:20	12:25	12:00	03:00	+ 1 hring
Moto 1 opinn flokkur	12:40	12:45	12:00	03:00	+ 1 hring
Moto 2 kvennaflokkur / 85cc	13:00	13:05	12:00	03:00	+ 1 hring
Moto 2 standard flokkur	13:20	13:25	12:00	03:00	+ 1 hring
Moto 2 opinn flokkur	13:40	13:45	12:00	03:00	+ 1 hring
Moto 3 kvennaflokkur / 85cc	14:00	14:05	12:00	03:00	+ 1 hring
Moto 3 standard flokkur	14:20	14:25	12:00	03:00	+ 1 hring
Moto 3 opinn flokkur	14:40	14:45	12:00	03:00	+ 1 hring

 

Menn voru duglegir að hjóla hér fyrir norðan um jólin og ekki skemmir fyrir þegar félagsmaður númer 1 næst uppúr sófanum, þá er það gjarnan ávísun á skrautlegan túr. Hér fyrir neðan er skemmtilegt myndskeið sem náðist af félagsmanni númer 3 þar sem hann glímir við hjarnbrekku á tvígengis nöðrunni sinni :)

Myndir

Nú eru tæpar tvær vikur í fyrstu umferðina í N1 Íslandsmótinu í Ískrossi sem fram fer á Mývatni þann 17. janúar næstkomandi Búið er að opna fyrir skráningu á www.msisport.is og lýkur skráningu á miðnætti á þriðjudagskvöldið 13/1. Keppnisgjöld eru kr. 5000 í hvern flokk, en keppt verður í þremur flokkum, Opinn flokkur þar sem skrúfur og ísnálar eru leyfilegar, Vetrardekkjaflokkur þar sem eingöngu fjöldaframleidd nagladekk eru leyfð og svo Kvennaflokkur á fjöldaframleiddum nagladekkjum. Athugið að á árinu 2009 mun MSÍ ekki gera neinar undantekningar varðandi skráninguna, henni lýkur þegar henni lýkur og ekkert væl eftir það.

Stjórn KKA hefur útnefnt Bjarka Sigurðsson íþróttamann ársins 2008. Bjarki Sigurðsson er fæddur 23. nóvember 1992 og varð því 16 ára á árinu 2008. Hann stóð sig gríðarlega vel á árinu. Hann keppti í þremur mótaröðum til íslandsmeistara og árangurinn varð þessi:

A.  Íslandsmeistari unglinga í snócrossi
B.  4. sæti í unglingaflokki í motocrossi
C.  2. sæti í b flokki enduro.  (fullorðnir) Auk þess var hann kosinn nýliði ársins í enduro af MSÍ.

Árangur Bjarka er rúmlega frábær en auk þess er Bjarki góð fyrirmynd annarra í íþróttinni. Vefurinn óskar eftir að þeir sem eiga góðar myndir af Bjarka aðallega við íþróttaiðkun sendi þær til th@alhf.is ætlunin er að koma upp smá-myndaalbúmi af kappanum.

myndir límmiðar komnir á núna.    

Ferðasaga nýársdag.

Myndir úr ferðinni eru hér.

Vel heppnaður gamlársdagstúr KKA er að baki, alls voru þátttakendur 21. Ekið var á hjarni (harðfenni á flatlenzku :) inn Vaðlaheiði, inn fyrir Göguskörð og til baka, færi var með besta móti. Óvæntir gestir voru með í för en mættir voru Kári #46 og Keli formaður VÍK, þökkum við KKA félagar þeim kærlega fyrir skemmtilegan dag. Að lokum óskar vefurinn félagsfólki svo og landsmönnum öllum farsæls og gleðiríks nýs árs.

Ferðanefnd KKA hvetur þá félagsmenn sem tök hafa á að skella sér með í gamlársdagstúr félagsins. Mæting er kl. 11:00 hjá N1 við Leirunesti. Áætlað er að ferðin sem ætluð er öllum sæmilega vönum hjólamönnum taki um 3 klst.