Flýtilyklar
Fréttasafn
Nítró dagur laugardaginn 26.sept. á KKA svæði
Gróf dagskrá:
Kl: 14:00 til 16:00 allt að gerast. Sýning á hjólum, prufuakstur á Kawasaki KXF 250 2009. og allir að hjóla í frábærri braut.
16:00 Veitingar í boði Nítró í samkomuhúsi KKA.
16:15 Dregið í Nítró happdrætti. Allir sem mæta verða með í pottinum.
16:30 -18:00 Hjóla meira og meira. 66 og 67 árgangar af félagsmönnum KKA sýna vippur.
Búið um kl: 18:00
Allir velkomnir, og viljum við biðja liðsmenn Team Green North sérstaklega að mæta.
Kveðja, Starfsmenn Nítró Akureyri.
Hjóla!
Kv bjarki#670
Jói Kef með námskeið til styrktar strákunum okkar.
Endúró síðustu umferðirnar í sumar
Um helgina síðustu voru 5. og 6. umferð íslandsmótsins í Endúró haldnar á Akureyri. Vitanlega var um þessa helgi blíðskaparveður á Akureyri en það er aldrei öðruvísi veður á Akureyri eins og allir vita sem aldrei hafa komið til Akureyrar en bara rætt við Akureyringa í síma um veðrið.
Karlar og konur skemmtu sér stórfenglega í gleymanlegri braut, í það minnsta virtist sumum brautarstarfsmönnum minni sumra keppanda með afbrigðum brigðult eftir að hafa mokað sömu mennina upp úr sömu pyttunum í hverjum einasta hring.
Úrslitin eru vitanlega á MSI síðunni en okkar menn stóðu sig vel eins og ævinlega. Bjarki #670 hefur hreiðrað um sig í vænu safni íslandsmeistaratitla fyrir árið 2009 (3 stk) en hann bætti enn einum við um helgina. Hann ásamt Ágústi #299 urðu íslandsmeistarar í tvímenningi. Í öðru sæti í sama flokki urðu Jói "startsveif" Hansen og Siggi (N1) Bjarna. Kristófer FinnsBónda vann svo E1 flokkinn á nöðrunni hans pabba síns. Strákurinn loksins farinn að sjá að ljósavélar á hjólum eru ekki alveg að ganga upp í alvöru-endúrói. (eða hann þarf kannski orðið sjálfur að kosta viðhaldið á fjórgengis-tuggunni, hvorutveggja gæti átt við, bílvélar + mótorhjól + alvöru enduro = reykur, vélarbrot og heilmikil bráðnun). Í B flokki endaði svo Hafþór Grant í 2. sæti.
Skoðun bifhjóla
Breyting varð á reglugerð um skoðun ökutækja með tilkomu nýrrar reglugerðar í janúar sl. Samkvæmt reglugerð nr. 8/2009 um skoðun ökutækja er nú skylt að færa bifhjól til skoðunar fyrir þann 1. ágúst á skoðunarári, óháð síðasta tölustaf í skráningarmerki. Hafi skoðun ekki verið lokið fyrir þann 1. október er lagt á vanrækslugjald á eiganda bifhjóls.
Ýmsar aðrar breytingar áttu sér stað með nýju skoðunarreglugerðinni, s.s. varð skylt að skoða hjólhýsi, tjaldvagna og fellihýsi, skoðanatíðni ýmissa ökutækjaflokka breyttist og margt fleira. Áhugasamir geta kynnt sér samantekt þessara breytinganna hér: http://www.us.is/id/1000329
Annar backflippari
Til hamingju með þetta afrek Steingrímur
Flaggarar og starfsfólk
Þeir sem eru til í að vinna sem flaggarar við enduró keppnina hjá okkur á laugardaginn (5 sept) endilega skráið nafnið ykkar
hér í athugasemd (comment) svo að við sjáum fjöldann.
kv Nefndin
5-6 umferð í Enduró vinnukvöld
Jæja nú er komið að síðustu umferð í Enduró þetta árið hjá MSÍ, félagar í móta og svæðisnefnd KKA eru búnir að móta brautirnar. Baldurdeildin keyrir í þetta sinn skemmtilega braut sem flæðir vel og engar stórar hindranir i henni (sem sé fá ekki að fara í mýrina).
A flokkur keyrir hins vegar meira krefjandi braut sem flæðir samt mjög, vel stóra brekkan verður hvíld núna en ekki mýrin allir í A flokk þurfa yfir hana.
En nú verða vinnukvöld þriðjudags, fimmtudags og föstudagskvöld við að hæla og borða brautina. Allir sem geta lagt til vinnu mætið á milli 7 til 9 þessi kvöld og vinnum á þessum, verkefnum.
nefndin
Backflip Hafþórs.......
Backflip fullkomnað af Hafþóri “crazy” Grant.
Hafþór Grant Ágústsson hefur nú framkvæmt það sem einna erfiðast er að framkvæma á mótorcrosshjóli.
Hafþór hóf að undirbúa heljarstökk á mótorcrosshjóli fyrir 4-5 árum og byrjaði að æfa sig á trampólíni á þar til gerðu bmx hjóli semhann hafði útbúið sérstaklega með svömpum og dass af teipi, svo byrjaði hann að hoppa eins og enginn væri morgundagurinn fyrir utan heimili sitt í Fögrusíðu, hann var fljótur að ná lagi á trampólíninu og einfalt heljarstökk nægði honum ekki á bmxinu heldur hefur hann tekið tvöfalt backflip að vitna viðuvist og fór nokkuð létt með það.
Fyrsta skipti sem Hafþór lét vaða á motorcrosshjóli var árið 2008 og olli það talsverðu fjaðrafoki í fjölmiðlum af fólki sem ekki veit um hvað þetta snýst og hefur ekki skilning á þessari íþróttagrein, Hafþór þurfti tvær tilraunir til að negla fullkomna lendingu uppá svæði KKA við glerárhóla.
Svo gerðist það í fyrradag 25 08´09 að íþróttamaðurinn Hafþór ákvað að reyna aftur, það var smellt upp rampi (stökkpalli) og útbúin lending í snarhasti af einum okkar færasta ýtu sérfræðing (Gunni H) og svo var látið vaða , Hafþór tók nokkur æfingarstökk og svo reyndi hann backflip í fimm sinnum en uppstökkið var of hált þannig að hjólið spólaði undan sér afturdekkinu og þær tilraunir mistókust .
Fyrri part dags þann 26.08 ´09 fóru Hafþór og félagar uppá svæði og festu vélsleða belti á rampinn til að fá fullkomið grip á pallinum og það gaf góða raun, síðla dags var karlinn klár í að klára málið,fjöldi ljósmyndara og áhorfenda voru mættir til að berja þetta augum, Hafþór fór hvorki meira né minna en 5 backflip og tók fjöldan allan af flottum freestyle stökkum með í bland eins og hann hefði aldrei gert annað,
Við viljum ítreka að þetta er mjög hættulegt fyrir aðila sem eru ekki vel undirbúnir og hafa ekki góða aðstöðu til æfinga, Hafþór hefur verið á hjóli í mörg ár þó hann sé ungur að árum og hefur mikla reynslu af freestyle stökkum bæði á motorcrosshjóli og vélsleðum.
Við í stjórn KKA akstursíþróttafélag, þurfum ekki að taka það fram að við erum afar stoltir að hafa svona íþróttamenn innan okkar vébanda og ásamt því að eiga fjölmarga unga ökumenn sem landað hafa íslandsmeistaratitlum í ár , við vonum að okkar íþróttamenn haldi áfram að styrkjast og eflast í þessu frábæra starfi sem KKA hefur staðið fyrir í mörg ár.
F,h stjórnar KKA
Stefán Þór Jónsson
Fylgdu okkur