Fréttasafn

Karl Gunnlaugsson formaður MSÍ kom að máli við vefinn og vildi koma eftirfarandi á framfæri: 

2. umferðin í Enduro Crossi fer fram í Reiðhöllinni í Víðidal (Árbæjarhverfi) laugardaginn 4. desember. Skráning er hafin á msisport.is.     Um að gera er að skrá sig tímanlega.  Skráningarfrestur er til þriðjudagsins 30. nóvember kl: 21:00

Bent er á að framvegis verður skráningarfrestur í Íslandsmeistaramót MSÍ alltaf til þriðjudags kl: 21:00 vikuna fyrir keppni. Engar undantekningar.

Sýningin verður frá 14:00 - 18:00 á föstudaginn 19 nóvember , allir velkomnir í léttar veitingar kv, Nítró Akureyri.

Vélhjólaklúbbur Skagafjarðar og Fluga hf halda Íslandsmót í enduro-cross í Reiðhöllinni Svaðastöðum í Skagafirði (Rétt við flugvöllinn) 20. Nóvember n.k.
Skráning fer fram á www.msisport.is og lýkur um miðnætti fimmtudaginn 18. Nóvember. 

Púkinn verður með vörur til sölu í anddyri reiðhallarinnar frá 11-18
Áhorfendasvæði opnar kl. 14:30 og keppni hefst kl. 15:00

Aðgangseyrir:  kr. 1.000,  frítt fyrir yngri en 12 ára.

Sundlaugin verður opin frá 19:30 fyrir þá sem vilja skola af sér rykið. 

Hlaðborðið og ball um kvöldið á Mælifelli kostar aðeins kr. 2.500, skráning fer fram hjá helgaey@simnet.is

 

Öryggisfulltrúi MSÍ: Karl Gunnlaugsson
Ábyrgðarmaður: Þröstur Ingi Ásgrímsson
Brautarstjóri: Jóhannes Þórðarson
Keppnisstjóri: Einar Sigurðarson

Þann 28. okt kl. 17.00-21.00.     Námsskeiðið verður haldið að Glerárgötu 26, Akureyri  neðsta hæð húsnæði ÍBA og ÍSÍ. 
Efnið er íþróttasálfræði og verða það sálfræðingarnir Hafrún Kristjánsdóttir og Rúnar Andrason sem munu sjá um fyrirlestrana/kennsluna.    Fræðslukvöldin eru öllum opin, eru liður í þjálfaramenntun ÍSÍ á 2. stigi og henta jafnframt vel sem endurmenntun fyrir íþróttakennara og íþróttaþjálfara.  Þau henta einnig iðkendum og foreldrum í öllum íþróttum.    Þátttökugjald er kr. 3.000.-  Skráning er á namskeid@isi.is eða í síma 514-4000.  Nánari uppl. veitir sviðsstjóri fræðslusviðs ÍSÍ í síma 460-1467 eða á vidar@isi.is

Árið 2005 fékk KKA svæði í Glerárhólum eða Torfdalshólum vont að segja til nákvæmlega hvenær einir enda og hinir taka við en þjálla var að tala um Glerárhóla svo það varð ofaná.   Hins vegar er Endurosvæði félagsins í Torfdal og þar rennur torfdalsáin eða kannski bara lækurinn.   Púkabrautin er norðan við motocrossbrautina.   RC brautin er ofar og félagsheimilið er fyrir miðju.    Svæðið er upplýst.    Búið er að græða upp landið en þegar félagið tók við svæðinu var þetta malargryfja.    Nýlega var lokið við að tyrfa mjög stórt svæði.    Þar mun verða byrjendakennsla fyrir börn og svæði fyrir keppendur o.fl.   fleiri myndir hér

Brautir KKA svæðis eru góðar en aðdragandinn verður að vera góður líka.    Menn eiga að geta komið með tjaldið sitt og hjólið og hvílst eins og unglömb í haga á mjúkum grasbotni og verið ferskir að hjóla daginn eftir.    Þetta er nú orðið svo.   KKA púkkar undir menn með dúnmjúku grasundirlagi í pitt.    Búið er að þökuleggja allan pittinn,   þetta er orðið svo fínt að menn verða að fara úr skónum og setja á sig inniskó áður en haldið er inn á grænasvæðið,   mottur undir hjólið og pissað í glas.   sjá myndir af framkvæmdum. 

 

Sýning verður laugardaginn 25.sept í Nítró Akureyri frá kl: 10 til 14:00 Þar verða fjórhjól, Enduro og motocrosshjól sýnd.

Síðan stendur Nítró fyrir haustsprelli á æfinga og keppnissvæði KKA frá kl: 14:00 til 17:00 þar verður prufuakstur á fjórhjólum, endurohjólum og motocrosshjólum. Vonumst til að sjá sem flesta. 

Á dagsskránni er bara að eiga sem flest góðan dag á svæðinu okkar. Hjóla og spjalla saman. Allir velkomnir.

Starfsmenn Nítró Akureyri.

Óskað var eftir að vefurinn kæmi því á framfæri að æfing verði í landi Baldvins kl. 20:00 annað kvöld sem sé föstudagskvöldið 6. ágúst 2010.    Þetta er fyrir krakka á aldrinum 4-11 ára.    Gulli og Helgi Már þjálfarar VÍK verða á staðnum til þess að fylgjast með krökkunum og segja þeim aðeins til.   Allar sem mæta fá medalíu að æfingu lokinni.    

Enduro námskeið á svæði KKA

Athygli skal vakin á því að motocross brautin verður opin fram á miðjan dag á fimmtudag með kanski nokkrum stuttum lokunum ef það þarf að vökva brautina eða vinna eitthvað í kvikindinu, svo vill ég endilega fá sem mest af fólki á laugardagsmorguninn og aðstoða við vinnu á Íslandsmeistara mótinu í motocross sem byrjar um kl:09:00, það hefur verið erfitt að fá fólk að vinna við mótin hjá okkur en nú skal verða breyting á því, endilega kommentið hér á síðuna eða hafið samband við Stebba gull og meldið ykkur, koma svo og sýnið klúbbnum ykkar smá stuðning, Mótanefnd